„Хјуман рајтс воч“: Грција да го повлече нацрт-законот за мигранти

Грција би требало да го повлече нацрт-законот со кој се ограничува пристапот за заштита на барателите на азил од Сирија, Ирак и од Авганистан, соопшти организацијата „Хјуман рајтс воч“.

„Законот е обид да се блокира пристапот за заштита и да го зголеми бројот на депортации поради зголемениот број на нови мигранти“, рекла Ева Косе, истражувач за Грција во хуманитарната организација.

ХРВ наведува дека нацрт-законот, за кој ќе се расправа во парламентот оваа недела, го олесни задржувањето на мигрантите на подолг период и ги лиши ранливите луѓе, вклучително децата без придружба, од неопходната заштита.

Извор: Макфакс