Хрватска излегува од договорот за арбитража со Словенија

Хрватскиот премиер Зоран Миловановиќ изјави дека неговата земја излегува од договорот за арбитража со Словенија за границата во Пиранскиот залив.

-Хрватска не може да остане во договорот за арбитража. Постапката е контаминирана. Хрватска излегува од договорот според прецизни правила на меѓународното право. Тоа е процедура која ја спроведува Владата и министерството за надворешни работи. Од Собранието бараме согласност за да излеземе од овој договор, изјави Миловановиќ.

Скандалот околу договорт за арбитража меѓу Хрватска и Словенија за границата во Пиранскиот залив изби во средата, откако хрватските медиуми објавија транскрипт и аудио запис кои покажуваат како словенечкиот член на арбитражниот суд Јернеј Соколец и Симона Дреник, словенечки дипломат, договараат изнесување аргументи и лобирање кај другите судии во Постојаниот суд за арбитража во Хаг за постапката околу границата меѓу Словенија и Хрватска. Словенија смета дека и припаѓа целиот залив.

Извор: Телма