Хрватската полиција уапси Срби, криумчареле мигранти

Хрватската полиција уапси двајца Срби за криумчарење пакистански мигранти во два автомобили.

Сплитско-далматинската полиција соопшти дека полицијата при контрола на возила сопрела автомобил со српски регистерски таблички од марката „алфа ромео“ што го возел 33-годишен маж, зад кој на седиштата седеле тројца странски државјани, за кои било утврдено дека се Пакистанци на старост од 19, 26 и 30-годишна возраст.

Кратко потоа полицијата сопрела и автомобил „форд фокус“ управуван од 34-годишен државјанин на Србија, на чиешто задно седиште биле затечени двајца Пакистанци на возраст од 16 и 42 години.

Против српските возачи поднесени се пријави за незаконски влез, движење и престој во Хрватска, а на петорицата Пакистанци во согласност со законот издадени им се решенија за протерување и забрана за влез во Хрватска и ЕУ, во времетраење од две години.

Извор: Макфакс