Правдико

   

ИД и екстремно левичарските милитанти се осомничени за нападот во Анкара

© Copyright 2018 pravdiko.mk Сите права се задржани. Не е дозволено преземање на оваа содржина или на делови од неа без претходна согласност од редакцијата на ПРАВДИКО.

Турските разузнавачи досега не успеаја да ги идентификуваат извршителите на терористичкиот напад на прокурдскиот мировен протест во Анкара, кој усмрти речиси 100 лица, а повреди двојно повеќе.

ankara

Цел на двете експлозии, кои биле предизвикани од бомбаши-самоубијци, бил мировниот протест во близина на железничката станица во Анкара. Според последниот биланс, ова е најсмртоносниот напад во поновата историја на Турција.

Нападот доаѓа три недели пред парламентарните избори во земјата и дополнително ја зголемува тензијата меѓу државните сили и курдските милитанти на југоистокот на земјата.

Турскиот весник „Јени Шафак“ објави дека полицијата успеала да идентификува еден од бомбашите. Наводно, станува збор за маж на возраст од 25 до 30 години. Засега никој не ја презема одговорноста за нападот, кој се смета за надворешен напад на НАТО-членката Турција.

Турскиот премиер Ахмет Давутоглу, кој прогласи тридневна жалост, рече дека нападот би можел да биде дело на Исламска држава, Курдите или на екстремно левичарските милитантни движења.

Од канцеларијата на премиерот соопштија дека 52 од загинатите се идентификувани, а обдукциите продолжуваат. Во соопштението се наведува дека 246 лица се ранети и се хоспитализирани, од кои 48 се на интензивна нега.
„Спроведени се сите неопходни мерки за да се идентификуваат тие што стојат зад нападот и за побргу да се изнесат пред лицето на правдата“ стои во соопштението од кабинетот на турскиот премиер.

Двете експлозии се случија додека активистите на Курдската народна демократска партија (ХДП), левичарите, синдикатите и другите граѓански здруженија се собираа на мирниот протест против конфликтот меѓу турските сили и курдските милитанти, кој изби во јули годинава.

Неколку часа по нападите, ПКК им нареди на своите борци да ги запрат сите акции и да го спуштат оружјето до изборите на 1 ноември, за да се спроведат фер избори.

Извор: Мета.мк

Партнери на Правдико