ИСИС обучила најмалку 400 борци за цели во Европа

Исламската држава има обучено најмалку 400 борци за цели во Европа, распоредени по терористичките ќелии, како што се оние кои ги извршија нападите во Брисел и во Париз.

Тие имаат наредби да се избере времето, местото и начинот на нападот, што ќе доведе до најголем можен број на жртви.

Мрежа на полу автономни и агилни ќелии го прикажува опсег на ИСИС во Европа, иако таа губи територии во Сирија и Ирак.

Официјалните претставници, вклучувајќи претставници на европските и американските разузнавачки агенции, како и официјално лице од Франција кои ги следат џихадистичките мрежи, ги опишуваат камповите за обука во Сирија, Ирак и веројатно поранешниот советски блок, каде напаѓачите се обучени за цели на Запад.

Францускиот сенатор Натали Гул вели дека проценките на бројот на исламистите се движат од 400 до 600 борци и тие се обучени специјално за надворешни напади.

“Всушност, кога би знаеле точно колку ги има, сето ова немаше да се случи”, рече таа.