“Исламска држава” егзекутира 21 египетски христијани

Џихадистите на Исламска држава објавиле снимка од погубувањето на 21 египетски христијанин кои биле заробени во Либија, пренесуваат светските агенции.

На снимката заробениците биле облечени во препознатлите портокалови комбинезони. Заробените Копти биле присилени да клекнат, а потоа им биле отсечени главите.

Снимката била насловена „порака напишана со крв до следбениците на крстот“. Тие тврдат дека станува збор за порака упатена до „непријателската египетска црква“, и дека заробениците биле убиени поради „прогонот на муслиманите во Египет“.

Извор: МКД