Итните реформи од извештајот на Прибе на собраниски комисии

Шест собраниски комисии денеска и утре ќе ја разгледуваат листата на итни реформски приоритети и препораките од извештајот на експертската група ангажирана од европската комисија, а предводена од поранешниот директор во комисијата Рејнхард Прибе.

На дневен ред се системските прашања за владеење на правото кои се однесуваат на следењето на комуникациите, во делот независни, регулаторни, контролни и надзорни тела.

Во овој дел се посочуваат неколку потточки меѓу кои – да се осигури задоволителна автономија на независните регулаторни, контролни и надзорни тела, не само теоретски туку и во пракса, со цел тие да делуваат ефективно и без политички притисок.

Ова бара не само проактивни напори од самите тела, но и политичка волја на сите други чинители да им дозволат да ги извршуваат нивните функции како што е предвидено со закон, вклучително и преку доделување на доволно финансиски средства. да се осигури дека членството во независни регулаторни тела се заснова на професионални способности.

Во препораките, меѓу другото, се наведува и дека „основните стандарди на демократско владеење мора да се исполнат“.

Извор: 24Вести