Издавање на пасош

Опис:  Пасошот е електронска исправа за лична идентификација која му се издава на државјанин на Република Македонија заради патување и престој во странство, како и за враќање во земјата

Орган што ја издава: Пасош  издава Министерството за внатрешни работи.

Потребна документација: 

– Барање за издавање на пасош МК

– Лична карта или друга јавна исправа од која може да се утврди идентитетот на подносителот на барањето

– Уплатница  на жиро сметка во износ од 1.500,00 денари за  образецот на пасошот ,
– Уплатница  за административна такса од 100,00 денари– на уплатница- за лица до 4 годишна возраст,
– Уплатница за административна такса од 200,00 денари– на уплатница-за лица од 4 до 27 годишна возраст
– Уплатница за административна такса од 300,00 денари– на уплатница-за лица над 27 годишна возраст

( Можност и за безготовинско плаќање)

Рок на важење на пасошот:

– За лица постари од 27 години пасошот се издава со рок на важење од десет години,

– За лица на возраст од 4 до 27 години пасошот са издава со рок на важење од пет години

– За лица до навршени 4 годишна возраст пасошот се издава со рок на важење од две години

Постапки за издавање на пасош:

Редовна постапка – Органот надлежен за издавање на патни исправи и визи барањето го решава во што пократок рок, но најдоцна до 15 дена од денот на поднесување на барањето.

Итна постапка  – Во случај кога барателот во барањето за издавање пасош наведе дека бара изготвување на пасош во итна постапка, доколку не постојат објективни пречки пасошот се изготвува во рок од 48 часа од денот на поднесување на барањето. Подигањето на итните пасоши, а поднесени во сите  надлежни организациони единици на МВР, се врши во СВР- Скопје, зграда на МРТВ први спрат.

Издавање одобренија за патување во странство на малолетни лица (до 14 години живот)

1.  Ако  лицето до  14 години живот ( малолетно лице ) патува во странство или се враќа од странство во присуство на родител или старател не  е потребно да има одобрение за неговото патување.

2.  Ако  лицето  до  14 години живот (малолетно лице) патува во странство или се враќа од странство без присуство на родител или старател,потребно е да има одобрение за неговото  патување кое се издава врз основа на писмената согласност  од родителите односно старателот,дадена во надлежните сектори-одделенија за Внатрешни работи,со приложување на увид-извод од матична книга на родените на малолетното лице кое патува, личните карти од родителите или старателот и таксена марка од 50,00 денари.