Изгласан Законот за медиуми

Објавено: 25/12/2013

Без присуство на опозицијaтa која ја напушти седницата пред гласањето, парламентарното мнозинство го изгласа Законот за медиуми.

На ова му претходеше жестока расправа меѓу власта и опозицијата, кои ги вкрстија копјата.

Владата тврдеше дека законите се подготвувале подолг временски рок, а како што тврдат се консултирале и со домашни но и меѓународни експерти.

За опозиционерите законите не ги штитат новинарските права, туку напротив поставуваат диктаторски режими и целосна контрола врз медиумските куќи.

Претходно со гласовите на пратениците од владејачките партии беше донесен и Закконот за аудио и аудиовизуелни медиумски услуги.

Министерот за информатичко општество Иво Ивановски рече дека на првата владина седница ќе ги достави предлог амандманите на двата закони.
„Ова ќе биде на првата наредна владина седница, со претставниците на ЗНМ договоривме дека ќе се изостават електронските публикации, а печатените медиуми ќе имааат само обврска за импресум. Дополнително во период од пет до шест месеци ќе дискутираме за МРТ. Тоа што ветив со претседателот на ЗНМ на следната владина седница ќе го реализираме“, рече министерот Иво Ивановски.