Изјава од страна на Членовите на Глобалната коалиција за борба против Исламската Држава | Правдико

Правдико

   

Изјава од страна на Членовите на Глобалната коалиција за борба против Исламската Држава

© Copyright 2020 pravdiko.mk Сите права се задржани. Не е дозволено преземање на оваа содржина или на делови од неа без претходна согласност од редакцијата на ПРАВДИКО.

343879_ISIL-terrorists-Syria-Една година по формирањето на Глобалната коалиција за борба против ИД остваривме напредок во нашата кампања за соборување и погазување на ова терористичко зло кое е без преседан. Како што нагласивме и на почетокот, ова ќе биде долготрајна кампања. Но, ситуацијата пред една година беше катастрофална: ИД, позната и под својата арапска кратенка Da’esh, напредуваше низ Ирак и се закануваше и на Ербил, Киркук и Багдад. Се очекуваа и дополнителни напади против Језиди населението.

Оттогаш, и покрај огромните пречки, Коалицијата продолжи со својот сеопфатен, стратешки пристап и ја докажа својата способност да ја ограничи слободата на движење на припадниците на ИД во Ирак и Сирија. Коалицијата исто така постигна напредок и во организираните напори да го успори засилувањето со борци на ИД, да ја попречи комуникацијата на групата и да ги намали нивните финансиски средства.

Посветеноста и жртвите на ирачките безбедносни сили, вклучувајќи ги и курдските Пешмерга и Народните мобилизациски единици, како и сириските опозициски сили, играа централна улога во овие напори. Во Ирак, со поддршка од Коалициските воздушни сили, ИД во моментов не може слободно да оперира на повеќе од 30% од населената територија која порано ја контролирала. Тикрит е ослободен, а повеќе од 100 000 цивили се вратија назад во него, како и во околните области.

Во северниот дел на Сирија, ИД загуби голем дел од територијата која ја имаше окупирано, и сега е отсечена освен на еден потег за околу 100 километри од вкупните 844 км гранична линија помеѓу Сирија и Турција. Повеќе од 5 000 Коалициски обучувачи и советници од 18 земји се во Ирак каде пружаат поддршка на напорите на ирачката влада за зајакнување и развој на локалните безбедносни сили во напорите за ослободување на Рамади и подготовката за ослободување на Мосул. Освен тоа, повеќе од 900 лица персонал на Коалиција обезбедуваат помош и поддршка на мисијата за обука и опремување за сириската опозиција.

Преку колективно дејствување ние создадовме витална Коалиција која пред една година претставуваше само идеја. Таа опфаќа не само воена координација, туку исто така и иновативни работни групи фокусирани на:

  • запирање на врбувањето, движењето и одржливоста на странските терористички војници, во координација со Глобалниот форум за борба против тероризмот;
  • борба против изнудата и експлоатација на економските и енергетските средства од страна на ИД и нивното искористување во финансискиот и банкарскиот систем, во координација со Единицата за финансиско дејствување;
  • излагајќи ја пораката на ИД која содржи омраза и насилство, истовремено прикажувајќи алтернатива и инклузивна визија за надеж кон подобра иднина; и
  • стабилизирање на областите во Ирак ослободени од контролата на ИД преку пружање помош на ирачката влада за враќање на локалните услуги и полициско работење притоа овозможувајќи безбедно, доброволно и одржливо враќање на бегалците и внатрешно раселените лица.

Оваа недела, во текот на состанувањето на членовите на Коалицијата со другите нации и организации на маргините на Генералното собрание на ОН, лидерите на работните групи ќе го презентираат напредокот на своите иницијативи и ќе посочат како тие се синхронизираат со останатите мултилатерални институции наведени погоре.

Во Ирак, Коалицијата ја поддржува Владата преводена од страна на Премиерот Хаидер ал – Абади во нејзините напори за реформи, помирување и децентрализација, вклучувајќи ја и нејзината соработка со курдската Регионална влада, претставници од областите каде мнозинско население се Суните и етничките и верските заедници. Овие реформи се значајна компонента во надминувањето на етничките и секташки поделби, воспоставувајќи долгорочен мир, стабилност, просперитет за Ирак, и победа над ИД.

Во Сирија, Коалицијата го поддржува сириското население во нивните напори да се спротивстават на ИД и да воспостават преодна влада заснована на начелата на Соопштението од Женева, кое се стреми кон демократска, инклузивна и плуралистичка влада која ќе ја застапува волјата на сите жители на Сирија.

Коалицијата исто така сериозно ја оценува заканата која ја претставува ИД во останатите земји и наоѓа начини како да ги деградира и порази, потпирајќи се како на постоечките напори за борба против тероризамот, така и на употребата на алатки и најдобри практики кои Коалицијата е во можност да ги понуди. Поразот на ИД во Ирак и Сирија исто така ќе придонесе за обесхрабрување и уривање овие групи.

Коалицијата силно ги поддржува напорите на Обединетите нации и меѓународната хуманитарна заедница во Сирија и Ирак и низ целиот регион во обезбедување помош и поддршка за исполнување на најнеопходните потреби на лицата раселени или повредени од конфликтот или насилството. Во тој поглед, ние им оддаваме благодарност на земјите и заедниците во регионот кои прифаќаат бегалци и внатрешно раселени лица – пред се Египет, Ирак (вклучувајќи го и Ирачко курдистанскиот регион), Јордан, Либан и Турција – и на оние во Европа и насекаде кои ги примаат и се грижат за бегалците.

Пред нас има уште многу работа која треба да ја направиме заедно. ИД и натаму врбува и радикализира подложно население, особено преку социјалните мрежи. ИД врши злосторства против сите етнички и верски групи, со малцинства кои се особено ранливи; уништува културолошко наследство на човештвото; и продолжува да инспирира и врши терористички дела насекаде низ светот. Како таква, за поразот над ИД потребна е долгорочна посветеност и повеќелиниски пристап. Светот е обединет во своето одбивање на ИД и идеологијата заснована на неа. Нашата Коалиција ја потврдува својата натамошна одлучност за заедничка работа со цел постигнување дефинитивен пораз на ИД.

Препорачуваме

Партнери на Правдико