Јавна дискусија на тема: Предлог концепт за изменување и дополнување на Законот за биомедицинско потпомогнато оплодување

Министерството за здравство на Република Македонија организира јавна дискусија на тема сурогат мајчинство, на која се повикани и адвокатите да земат учество.

Законот за биомедицинско потпомогнато оплодување („Службен весник на Република Македонија“ бр.37/2008 и 164/2013) е еден од најлибералните закони во Европа, меѓутоа до ден денешен не е направена негова ревизија и пополнување на празнините и недореченостите. Во тој контекст, како приоритет се поставува решавањето на неколку клучни прашања, меѓу кои и разрешување на дилемата дали да се воведе можноста за раѓање на дете за друг (сурогат мајчинство) и информирање за етичко-општествените прифатливи норми за сурогат мајчинството што постојат во светски рамки заради донесување на одлука и градење на став околу ова прашање.

Јавната дискусија ќе се одржи на ден 07-ми март 2014 година со почеток во 12:00 часот.

Сите заинтересирани колеги да се пријават на e-mail: d.georgiev@mba.org.mk најкасно до четврток 06-ти март.

Во прилог : Концепт за воведување на можноста за раѓање на дете за друг (сурогат мајчинство)

Извор: Адвокатска комора на РМ