Јавното обвинителство на РМ потпиша Спогодба за соработка со Генералното обвинителство на Руската Федерација | Правдико

Правдико

   

Јавното обвинителство на РМ потпиша Спогодба за соработка со Генералното обвинителство на Руската Федерација

© Copyright 2020 pravdiko.mk Сите права се задржани. Не е дозволено преземање на оваа содржина или на делови од неа без претходна согласност од редакцијата на ПРАВДИКО.

Screenshot_1Јавниот обвинител на Република Македонија Марко Зврлевски вчера во Москва се сретна со Генералниот обвинител на Руската Федерација Јуриј Чајка, со кого потпиша Спогодба за соработка помеѓу Јавното обвинителство на Република Македонија и Генералното обвинителство на Руската Федерација.

Документот предвидува можност за соработка од различен формат во повеќе области од надлежност на обвинителствата, а пред се во борбата против организираниот криминал, борбата против тероризмот и корупцијата, како и при укажувањето на правна помош за кривични прашања.

Во своето обраќање, јавниот обвинител на Република Македонија Марко Зврлевски ја нагласи важноста на меѓународната соработка, истакнувајќи дека искуството на Русија во борбата против тероризмот, екстремизмот и корупцијата може да биде исклучително полезно за македонските институции.

Генералниот обвинител на Руската Федерација Јуриј Чајка, пак, изрази увереност дека практичната реализација на Спогодбата ќе ја издигне соработката меѓу двете обвинителства на квалитетно повисоко ниво и ќе промовира координиран пристап во решавањето на проблемите со кои се соочуваат обвинителите.  Тој додаде дека обвинителствата на Русија и на Македонија имаат потенцијал за натамошен развој на соработката и на меѓународно ниво, пред се во рамките на Советот на Европа и на Меѓународната асоцијација на обвинители.

Препорачуваме

Партнери на Правдико