Кавадаречкиот градоначалник доби два месеца затвор за поткуп при избори и гласање

Основниот суд во Кавадарци го осуди градоначалникот на општина Кавадарци, Александар Панов, на два месеца затвор за кривично дело поткуп при избори и гласање.

– За ова дело предвидена е парична казна или казна затвор до една година – појасни судијата доктор Лазар Нанев.

Во согласност со законот за одредување на видот и одмерување на висината на казната, укажа судијата Нанев, делото се класифицира во петта хоризонтална категорија каде што врз основа на податоците за личноста се класифицира во прва вертикала бидејќи досега е неосудуван за што законодавецот утврдил парична казна од 5 до 120 глоби или затвор од 30 дена до два месеца.

Казната ќе се изврши кога пресудата ќе стане правосилна.

Извор: Макфакс