Казнети 39 пешаци за еден ден во Скопје

Полицијата вчера казнила 39 пешаци во Скопје, од кои 31 пешак поради преминување улица надвор од пешачки премин и осум пешаци поради поминување улица на црвено светло.

Во текот на изминаиот ден, пак, издадени се 134 мандатни платни налози и 86 возила се подигнати со специјалното возило „пајак“.

МВР соопшти и дека вчера во Скопје од сообраќај биле исклучени 18 возачи, од кои: двајца возачи затоа што управувале возило под дејство на алкохол, 14 возачи управувале возила, без да стекнат право за управување на моторно возило и двајца возачи затоа што биле возачи почетници. Исто така, исклучени од сообраќај се и 12 возила бидејќи биле нерегистрирани. Санкционирани се тројца возачи поради поминување крстосница на црвено светло, двајца возачи поради недавање првенство на минување пешаци, четворица поради неправилно престројување, осум поради непоседување пропишана зимска опрема, 11 поради неносење сигурносен појас и 13 возачи поради користење мобилен телефон.

Извор: Макфакс