Ќе се конфискува имот над 30 илјади евра чие потекло нема да може да се докаже | Правдико

Правдико

   

Ќе се конфискува имот над 30 илјади евра чие потекло нема да може да се докаже

© Copyright 2020 pravdiko.mk Сите права се задржани. Не е дозволено преземање на оваа содржина или на делови од неа без претходна согласност од редакцијата на ПРАВДИКО.

Сите граѓани кои нема да можат да го докажат потеклото на имот во вредност над 30 илјади евра стекнат претходната година, тој ќе биде конфискуван, предвидува драфт верзијата на Законот за потекло на имот. Вицепремиерот задолжен за борба против корупцијата Љупчо Николовски денеска изјави дека драфт верзијата е готова и дека ќе биде испратена во Венецијанската комисија. Засега предлог законот не е јавно достапен.

„Овој закон преку граѓанска постапка за конфискација, која ја воведуваме, ќе важи за сите лица кои нема да можат во одреден законски период да го докажат потеклото на имотот. Значи ќе важи за сите лица, не само за функционерите. Постапката ќе биде граѓанска, брза, а не кривична и ќе има соодветен праг кој моментално во драфт верзијата е 30 илјади евра,“ изјави Николовски.

Законот нема да се однесува само на функционерите, туку на сите граѓани затоа што праксата на истражните органи покажува дека функционерите го препишуваат незаконски стекнатиот имот на други лица, а по завршувањето на функцијата си го враќаат, вели тој.

Извор: Радио слободна Европа

Препорачуваме

Партнери на Правдико