Комисија од правда ќе предлага судии за разрешување

Комисија од Министерството за правда во иднина ќе му предлага на Републичкиот судски совет кој судија да биде ставен пред чин на разрешување, изјави Александра Зафировска, претседателка на Републички судски совет.

Ова е дел од законските измени во законот за судски совет кои се донесени по препорака на Греко.

– Комисијата ќе ги контролира судиите и за оние кај кои ќе утврди несовесно работење ќе иницира поведување на дисциплинска за која ќе решаваат членовите на судскиот совет, рече таа.

Целта на ова е да се раздвојат постапките кои досега ги водеше единствено Судскиот совет. Советот истовремено предложил и градација на дисциплински мерки со која разрешувањето на судиите ќа биде најтешка казна.

Извор: Дневник