Конференција нa тeмa: ,,Заштита на децата-жртви во правните постапки’

Академијата за судии и јавни обвинители ,,Павел Шатев” во соработка и со финансиска поддршка на канцеларијата на УНИЦЕФ во Скопје организира конференција на тема: ,,Заштита на децата-жртви во правните постапки’’ која ќе се одржи на 2 февруари 2017 година (четврток), во хотел ТЦЦ Гранд Плаза во Скопје,   со почеток во 10:00 часот.

Конференцијата е наменета за судии од кривичните и граѓанските оддели и јавни обвинители од сите апелациони подрачја, адвокати и претставници од Министерството за правда на Република Македонија, Министерство за труд и социјална политика, Центрите за социјална работа и Министерството за внатрешни работи на Република Македонија.

Со воведно обраќање до присутните конфренцијата ќе ја отворат: г-а Анета Арнаудовска, директор, Академија за судии и јавни обвинители ,,Павел Шатев’’ и г-а Елспет Ериксон, заменик претставник, УНИЦЕФ

Свои излагања на конференцијата поврзани со темата ќе имаат: г-а Корнелија Иванушиќ, судија во Општинскиот суд во Велика Горица, Република Хрватска, г-а Зора Треневска, судија на Апелационен суд Скопје, г-а Џулијана Мишевска, јавен обвинител во Основно јавно обвинителство Скопје и г. Владимир Милошевски, јавен обвинител во Основно јавно обвинителство за гонење на организиран криминал и корупција.

Темите кои ќе бидат опфатени во рамките на конференцијата  се следните:

-Кривично правна заштита на децата-жртви, мерки на процесна заштита   и мултисекторски тимови
-Заштита на децата -жртви  во правните постапки од граѓански аспект
-Најчести облици на криминал на детска порнографија преку интернет
-Новите начини на електронска комуникација и заштита на децата