Кривичниот суд со извинување до новинарите | Правдико

Правдико

   

Кривичниот суд со извинување до новинарите

© Copyright 2020 pravdiko.mk Сите права се задржани. Не е дозволено преземање на оваа содржина или на делови од неа без претходна согласност од редакцијата на ПРАВДИКО.

osnoven-sud-skopje-1Основниот суд Скопје 1 – Скопје, им упатува извинување на сите претставници на медиумите кои денеска сакаа да присуствуваат на главната расправа за предметот со КОК бр. 127/15 поврзана со настаните од 9 и 10 мај 2015 година во Куманово .

Бидејќи како суд бевме известени дека за денешната главна расправа неможе да ја користиме салата во Врховниот суд, каде досега се одржуваше судењето, денешната расправа  беше одржана во салата на Кривичниот суд која е со значително помал капацитет. Со оглед дека станува збор за предмет во кој обвинети се 29 лица, за тешки кривични дела и сите се придружувани од спроводници од установите каде ја издржуваат мерката притвор, а дополнително во салата се присутни и нивните адвокати, а имајќи го предвид просторното ограничување на судницата како и високиот степен на безбедност под кој се води овој предмет, во судницата немаше доволно простор за сите претставници на медиумите стои во соопштението.

Затоа беше предложено на главната расправа да влезат само дел од новинарите, но тие тоа го одбија за што како суд имаме целосно разбирање, но воедно бараме и разбирање од нивна страна за условите и ограничувањето на нашата судница.

Воедно за се што денеска се случуваше на главната расправа, согласно законот се води записник кој е достапен за странките во постапката, а на главната расправа присуствуваа и претставници на мисијата на ОБСЕ, Хелсиншкиот комитет за човекови права, Коалицијата сите за правично судење како и претставници на Амбасадата на Косово во Скопје, па оттаму појаснуваме дека се невистинити  сите написи за намерата на судот да го затвори судењето за јавноста.

Инаку на денешната главна расправа свој исказ дадоа пет сведоци предложени од Обвинителството, а судењето продолжува на 25.02.2016 година во 10:00 часот со доказна постапка, додека за сите други информации поврзани со денешната главна расправа новинарите може слободно да се обратат до Канцеларијата за односи со јавност на судот.

Извор: Основен суд Скопје 1

Партнери на Правдико