Кумановец фатен со 42 пакувања марихуана на Блаце

Вчера претпладне, на граничниот премин „Долно Блаце“, полицијата извршила контрола на камионот „Форд Транзит“ со скопски регистарски ознаки, сопственост на приватна фирма, а управувано од Д.И. (65) од Куманово.

Во возилото биле пронајдени 42 пакувања непозната растителна материја, најверојатно марихуана.

Лицето е лишено од слобода, а поради влошена здравствена состојба во присуство на полициски службеници било пренесено во ГОБ „8-ми Септември“, соопштуваат од МВР.

Се преземаат мерки за целосно расчистување на случајот.

Извор: Нова Македонија