Курц бара заштита на границите со Македонија и Србија

Шефот на австриската дипломатија Себастијан Курц денеска побара соработка на земјите во справувањето со бегалската криза, кога станува збор за заштита на границите со Македонија и Србија.

Тој, пред неформалниот состанок на министрите за надворешни работи на ЕУ, истакна дека, додека обезбедување на грчко-турската граница не функционира, треба да соработува со Македонија, Србија и други со цел да се обезбеди Шенген зоната.

“Особено во Македонија, но и долж Балканскиот пат постои силна волја да се намали бранот на мигранти, можеби дури и да престане. Се работи секако и за Србија “, истакна Курц.

Тој смета три опции за можна таква соработка – најниска ќе биде билатералната, најголема европската, а средна, да се здружат одредени држави и да соработуваат заедно.

Во Шведска и Словенија постои слично расположение како во Австрија и интерес за таква соработка, истакна тој, додавајќи дека запирањето на мигрантите пред границата на Австрија е во интерес на земјата.

Според него, до сега Турција не ги исполни очекувањата во врска со намалување на бројот на бегалци.

“Мораме сега да водиме паралелно разговори со Македонија и Србија”, рече тој, додавајќи дека ако не се најде решение на грчко-турската граница мора да се најде решение на некоја друга граница.

Тој, исто така, побара намалување на средства за земјите кои не сакаат реадмисија на одбиените баратели на азил.