Македонски државјанин во Швајцарија обвинет дека регрутирал луѓе за ИСИС

Швајцарското обвинителство поднесе обвинение против двајца луѓе обвинети дека регрутирале луѓе за Исламската држава, пренесува Асошиејтед прес.

Обвинителството денеска соопшти дека тие се обвинети за поддршка и учество во ИСИС. Двајцата живеат во североисточна Швајцарија, но нивните имиња не беа соопштени.

Првоосомничениот има швајцарско и италијанско државјанство и наводно патувал на територијата под контрола на ИСИС во Швајцарија, а на враќање регрутирал неколку луѓе за организацијата. Другиот обвинет, кој имал државјанство на Швајцарија и Македонија, се обидел да стигне до Сирија преку Македонија, но полицијата го спречила. Тој наводно регрутирал еден човек за Исламската држава. Двајцата се обвинети и за ширење исламистичка пропаганда. Случајот против првоосомничениот беше отворен во 2015 година, но потоа се прошири и со вториот осомничен.

Извор: Радио слободна Европа