Малолетник се обидел да прободе со нож 20-годишен тетовец

Дваесетгодишен тетовец во полиција пријавил дека, по вербална расправија со двајца малолетници на нецели 14 години, е повреден од едниот од нив. Според пријавата во средата попладнето околу 18 часот и 30 минути со двете деца започнал вербална расправија, а причина била тоа што тие двајца претходно го малтретирале неговиот малолетен брат. Се сретнале на улицата „29 ноември“ пред семејната куќа на 20-годишникот, кој во приземјето работел во сопствениот дуќан.

– Едниот од малолетениците извадил нож, замавнал да го удри, но 20-годишникот И.Џ успеал да му го одземе. При тоа, ја расекол левата дланка, додека вториот малолетник со ременот од кучето, кое го шетале, го удрил по главата. Така му нанел и видливи повреди на И.Џ, по што веднаш се оддалечиле од местото. Нешто подоцна, во присуство на нивни најблиски, малолетниците се повикани во СВР Тетово и одземени им се два ножа – соопшти тетовската полиција.

Оттаму информираат дека во консултација и координација со јавен обвинител продолжува истрагата во насока на расветлување на сите детали поврзани со случајот.

Извор: Нова Македонија