МИ5 предупредува дека кинески агент се инфилтрирал во британскиот парламент | Правдико

Правдико

   

МИ5 предупредува дека кинески агент се инфилтрирал во британскиот парламент

© Copyright 2020 pravdiko.mk Сите права се задржани. Не е дозволено преземање на оваа содржина или на делови од неа без претходна согласност од редакцијата на ПРАВДИКО.

Британската безбедносна служба МИ5 издаде ретко предупредување до пратениците дека кинески агент се инфилтрирал во парламентот за да се вмеша во британската политика.

Во предупредувањето се наведува дека Кристин Чинг Куи Ли „воспоставила врски“ за Комунистичката партија на Кина со сегашни и идни пратеници. Потоа им давала донации на политичарите, а средствата доаѓале од странски државјани од Кина и Хонг Конг.

Предупредувањето е издадено по „значајна и долготрајна“ истрага на МИ5, изјавила извори за Би Би Си. Службата за безбедност наведува дека секој кој го контактирала Ли треба да биде „свесен за нејзината припадност“ и нејзините задачи.

Конзервативниот пратеник и поранешен партиски лидер Сер Иан Данкан потврди дека претседавачот го препратил предупредувањето до пратениците на е-маил. Тој рече дека тоа е „навистина загрижувачка работа“, повикувајќи на депортација на Кристин Ли и барајќи од владата да даде изјава за тоа во Домот на народот.

Поранешниот министер за одбрана Тобиас Елвуд исто така побара изјава од владата во Парламентот. Тој рече дека вакви работи можеле да се предвидат и очекуваат од Кина, но оти е потребна итна реакција од владата.

Според предупредувањето, госпоѓа Ли тврдела дека нејзиниот ангажман во парламентот бил „претставување на Кинезите од Обединетото Кралство и зголемување на разноликоста“.

Сепак, МИ5 наведува дека активностите се „преземани во тајна координација“ со Обединетиот фронт за работа на Комунистичката партија на Кина, со финансирање кое го овозможиле странски државјани кои се наоѓаат во Кина и Хонг Конг.

Посочениот Фронт за работа на Комунистичката партија на Кина наводно настојува на „негува односи“ со „влијателни личности“ за да обезбеди политичкиот пејзаж во Велика Британија да биде поволен за Комунистичката партија на Кина и да ги предизвикува оние кои изразуваат загриженост околу партијата, вклучително и за човековите права.

Извор: Радио слободна Европа

Партнери на Правдико