МИОА: Потпишан меморандум за разбирање за сајбер безбедност | Правдико

Правдико

   

МИОА: Потпишан меморандум за разбирање за сајбер безбедност

© Copyright 2020 pravdiko.mk Сите права се задржани. Не е дозволено преземање на оваа содржина или на делови од неа без претходна согласност од редакцијата на ПРАВДИКО.

Со цел зајакнување на капацитетите за сајбер безбедност на државата, Министерството за информатичко општество и администрација и Тетра Тек ЕС, АД (Тетра Тек) – американска компанија и спроведувач на програмата за техничка помош во Северна Македонија на Агенцијата на САД за меѓународен развој (УСАИД) потпишаа Меморандум за разбирање.

„ Меморандумот ја опишува техничката помош што Тетра Тек ќе ја даде на МИОА за да ја унапреди заедничката цел за подобрување на подготвеноста за сајбер безбедност и зајакнување на координацијата меѓу клучните засегнати страни во Северна Македонија, вклучително и владата и приватниот сектор за заштита на критичната национална инфраструктура од сајбер напади“ соопшти министерството.

Оваа соработка, како што се наведува, ќе ги зајакне човечките и технолошките капацитети за сајбер безбедност низ критичните инфраструктурни субјекти и клучните ресурси, ќе ги подобри комуникациските протоколи за сајбер безбедност низ секторите и ќе ја зголеми отпорноста и подготвеноста на државата да се справи со закани по сајбер безбедноста.

Помошта на Тетра Тек е дел од заложбата на УСАИД за унапредување на енергетскиот сектор и безбедноста на критичната инфраструктура во регионот на Европа и Евроазија и поврзување на сојузниците во регионот со американски инвеститори, технологии и експертиза.

Извор: Макфакс

Препорачуваме

Партнери на Правдико