Правдико

   

Младите ќе добијат ваучери од 3.000 до 30.000 денари помош од Владата

© Copyright 2020 pravdiko.mk Сите права се задржани. Не е дозволено преземање на оваа содржина или на делови од неа без претходна согласност од редакцијата на ПРАВДИКО.

Со 12 милиони евра Владата ќе ги помага младите и нивната куповна моќ преку три мерки што ги воведува за нив. Тие предвидуваат паричната помош да ја искористат речиси 100 илјади лица. Министерот за образование и наука, Арбер Адеми, кажа дека станува збор за три типа ваучери од 6.000 денари за студенти и средношколци од семејства со ниски примања, 30.000 денари за млади до 29 години, со цел нивна дообука за ИТ и дигитални вештини, како и 3.000 денари за студенти, со цел купување домашни производи.

„Првиот тип на ваучер, со максимален износ со 6.000 денари, ќе им се доделува на студенти и средношколци од семејства со ниски примања, а средствата ќе се користат исклучително за покривање партиципација, за студирање на универзитетите и за сместување во ученички и студентски домови и во регистрирани сместувачки капацитети. Вториот тип поддршка е домашна платежна картичка, со расположлив износ од 3.000 денари, која ќе биде наменета за студентите и ќе се користи исклучиво за купување домашни производи и услуги во одредени услужни дејности, кои се најпогодени од кризата. Третиот тип на ваучер, со максимален износ до 30.000 денари, е наменет за млади до 29 години за кофинансирање на обуки, тренинзи и курсеви за ИТ и дигитални вештини, кои и тоа како се потребни и барани со години, но и се услов за наоѓање работен ангажман“, рече Адеми.

Начинот за аплицирање ќе се објаснува дополнително.

„Сетот мерки што ги спроведовме за непречено функционирање на образовниот систем, со цел граѓаните да добијат нови можности за едукативна надградба, сега се проширува со уште една мерка од економски аспект и со директно влијание врз личната финансиска моќ. Верувам дека мерката ќе биде прифатена од младите бидејќи ќе помогне за олеснувањето на состојбата во која се наоѓаат, како и на куповната сила. Владата предвиде доделување три типа парична поддршка – за млади до 29 години, студенти и ученици, како придонес кон нивната куповна моќ“, рече Адеми.

Извор: Макфакс

Партнери на Правдико