Могерини: ЕУ ќе ги брани човековите права секаде каде што се загрозени

Високиот претставник на ЕУ, Федерика Могерини по повод Денот на човековите права, истакна дека Унијата ќе продолжи да се залага, за одбрана и промоција на човековите права во сите места во светот каде што се загрозени.

Во контекст на актуелните и растечките предизвици на човековите права и владеењето на правото и во контекст на глобалната економска криза, сиромаштијата и растечките нееднаквости, прописите, како што се Меѓународниот пакт за граѓански и политички права и Меѓународниот пакт за економски, социјални и културни права остануваат основна поткрепа на ЕУ за подобрување на одбраната на човековите права и основните слободи, се вели во соопштението.

Овие два документи ги уредуваат граѓанските, политичките, економските, културните и социјални права на секој човек од раѓање па се до крајот на животот вели Могерини.

“Новиот акциски план за човекови права и демократија, кој го донесе ЕУ во јули придава еднаква важност на сите права и настојува преку конкретни мерки за да се промовира и да се обезбеди нивно исполнување”, вели Могерини.