Москва: Црна Гора треба да одржи референдум за членството во НАТО

Црна Гора треба да одржи референдум за влез во НАТО, изјави денеска портпаролот на руското Министерство за надворешни работи, Марија Захарова.

Захаровa истакна дека помалку од половина од населението на Црна Гора го поддржува членството на земјата во воената алијанса, објавија новинските агенции.

“Постојат длабоки поделби во црногорското општество, особено во однос на членството на земјата во НАТО. Ние веруваме дека народот на Црна Гора треба да го изрази своето мислење за тоа на референдум”, рече Захарова.

Црногорскиот премиер Мило Ѓукановиќ во понеделникот изјави дека одлуката на Црна Гора да се приклучи на НАТО ќе биде донесена во Собранието, а не на референдум.

Ѓукановиќ на одговарањето на прашањата од пратениците рече дека Уставот на Црна Гора не предвидува референдум за влез во НАТО и дека Парламентот има апсолутно право и обврска да одлучува по ова прашање.