На рака се делеле предмети во Кривичниот и Врховниот суд

На рака се делеле предмети во кривичниот и врховниот суд, покажа извештајот на работната група на АКМИС – Автоматизиран информациски систем за управување со судските предмети, што на прес-конференција го презентираше министерот за правда, Биљен Саљији.

Согласно извештајот, само во Кривичниот суд за 2 години, 10 пати се менувал распоредот на судии, а во Врховен само во септември 2017,  распоредот на судии бил сменет 9 пати.

Судии кои судат кривични предмети биле префрлани во граѓанскиот оддел на Врховниот суд, а за 860 предмети во кривичниот не бил доделен судија.

Предметите биле доделувани само со јавување на претседателот на судот во писарницата и со негов потпис.

Саљији рече дека на тој начин, наместо случаен, се добивал очекуван избор на судии.

В.Маглешов

Извор: Макфакс