На судењето за „Дива населба“ сведочеше командант Соколи

Судскиот процес за случајот „Дива населба“ денеска продолжи со сведочење на обвинетите за тероризам.

Сами Укшини, кој е еден од обвинетите во овој случај, изјави дека не се чувствува виновен, бидејќи не командувал со групата. Додаде дека бил еден од организаторите на конфликтот од 2001-та година, а во 2015-та година му бил вршен притисок од групата од Куманово да дејствува за спроведување на Охридскиот договор. Според неговите кажувања, групата требало да помогне во спроведувањето на договорот и било планирано на таа тема да одржат и прес-конференција. Ушкини или попознат како командант Соколи вели дека не знае дали имале поддршка од некоја политичка партија, оти, како што вели, не бил организатор на групата.

На 9 и на 10 мај 2015 година во кумановската Дива населба вооружена група се судри со безбедносните сили. Во престрелката загинаа осум полицајци од специјалните и посебните единици на МВР, додека четириесетина беа тешко повредени. Убиени беа и десет лица од вооружената група.

Извор: Радио Слободна Европа