Нападната полицајка во Велес

Две лица А.К. (35) и А.К. (34) од с. Горно Оризари, велешко, извршиле напад врз полициска службеничка од полициската станица во Велес. Нападот се случил во Велес на ул. „Илинденска“ додека полицајката, вршејќи работа од областа на сообраќајот констатирала прекршок направен од А.К. кој управувал мопед од непозната марка.

На даден знак да го запре мопедот, истиот продолжил со движење и застанал на наведената улица. Откако полициската службеничка им побарала документи, лицата почнале да ја навредуваат, ја влечеле за униформата и ја удирале.

Се преземаат мерки за целосно расчистување на случајот.

Извор: Нова Македонија