Напаѓачот од Колорадо Спрингс бил противник на абортусот

Човекот кој го изврши нападот во Центарот за планирање на семејството во Колорадо Спрингс, бил против извршувањето на абортусите и тоа му било еден од главните мотиви за нападот.

За време на нападот во петокот вечерта загинаа три лица, а девет беа повредени..

Центар за планирање на семејството, кој нуди услуги за извршување на абортус во некои од неговите клиники во САД, соопшти дека според сведоците мотивот на напаѓачот бил неговото спротивставување на абортусот.

Полицијата, сепак, се уште официјално не го објави мотивот за нападот во кој вооруженот Роберт Луис Дир во петокот вечерта упаднал во болница во Колорадо и уби три лица, меѓу кои и еден полицаец, пред да се предаде на властите.

Центар за планирање на семејството го привлече вниманието на јавноста во јули, кога противниците на абортусот објавија тајно снимено видео, во кое, како што велат, претставници на Центарот преговараат за продажба на делови од телото на фетусот.