Правдико

   

Неизвесно дали денеска ќе се изгласа зголемувањето на минималната плата – над 30 пријавени за дискусија

© Copyright 2018 pravdiko.mk Сите права се задржани. Не е дозволено преземање на оваа содржина или на делови од неа без претходна согласност од редакцијата на ПРАВДИКО.

И покрај ветената поддршка за законот за минимална плата од опозициските пратеници, по отворањето на распрaвата на денешната седница, се пријавија над 35 пратеници. За пратениците на ВМРО-ДПМНЕ, зголемувањето на минималната плата на 12.000 денари е популистички закон со цел поткупување на гласачите пред локaлните избори.

„Ние сме за дебата и за подобар закон за издржано решение. Ова е наметнат закон за да им се додворите на гласачите. Ова е како бакшиш пред изборите за гласачите. Поинаку не може да се толкува, чиста манипулација со ранливите категории граѓани“, рече пратеникот на ВМРО-ДПМНЕ, Драган Цуклев.

Пратеникот на СДСМ, Васко Ковачевски, рече дека и покрај големиот број пријавени за дискусија, законите секако ќе бидат донесени. „Граѓаните нека ценат и проценуваат дали ова е предизборен маркетинг. Кажувате дека ќе го поддржите законот, а не е добар и не е издржан. Сепак, ќе го поддржите за да може на вашите гласачи да им кажете дека сте за покачување на минималната плата. Ако законот не е добар, зошто тогаш не поднесовте ниту еден амандман“, рече пратеникот Васко Ковачевски.

Расправата по предлог-законот за зголемување на минималната плата започна со процедурални забелешки и прекин на седницата со половина час пауза. Покрај овој закон, на дневен ред се законот за материјално обезбедување на стечајците и за минимална плата.

Г.Д.М

Извор: Макфакс

Партнери на Правдико