Нема место во ЕУ за сиромашните „роднини“ | Правдико

Правдико

   

Нема место во ЕУ за сиромашните „роднини“

© Copyright 2020 pravdiko.mk Сите права се задржани. Не е дозволено преземање на оваа содржина или на делови од неа без претходна согласност од редакцијата на ПРАВДИКО.

Европската унија им наложи на земјите од Западниот Балкан до јануари 2015 година да изработат уверливи планови за економско опоравување и реформи, за да можат да се приближат до ЕУ.

0,,17940627_303,00
Во некои земји од ЕУ постои видлива воздржаност кон членството на земјите од Западниот Балкан, бидејќи владее уверување дека во состојба на внатрешна криза, Унијата не е подготвена да прима во членство и да одвојува средства за нови „сиромашни роднини“, кои воедно сѐ уште се борат и за зацврстување на владеењето на правото.

Европските претставници, аналитичари и дипломати оттука и потврдуваат дека од тие причини беше најавено дека во следните пет години нема да има прием на нови членки, додека британските политички кругови сметаат дека процесот на влез на нови земји треба целосно да биде запрен.

Во Европската комисија затоа преовладува уверувањето дека мора да се најде нов пристап и многу јасен договор со кандидадите и потенцијалните кандидати за членство на Западниот Балкан, за да не се случи на крајот, земји како Србија и Црна Гора да дојдат на прагот на членството како „сиромашни роднини“.

Овие земји ќе треба според постојаниот стопански развој и уредувањето на политички институции дотогаш барем повидливо да се приближат кон просекот на ЕУ и со тоа да ги уверат своите идни партнери дека економски и политички, ќе дадат барем мал придонес кон зајакнувањето, а не кон слабеењето на Унијата.

Комисијата за тоа доби поддршка од Советот на министри на ЕУ и со владите од Западниот Балкан е постигнат договор, патот кон членството во иднина во прв ред да се темели врз осетно подобрување на економијата, а вратите на Унијата ќе се отворат само ако се остварат националните планови на државите од регионот чиј главен столб се економските реформи за да се поттикне стопанскиот раст и вработувањето.

Преостанатите два столба имаат за цел токму да се овозможи економското подобрување, а тоа се подобрување на работата на државната управа и на владеењето на правото, без кои нема да дојдат ни толку потребните странски инвестиции, велат претставници на Европската комисија во Брисел.

Крв, пот и солзи

Директорот за проширување во Европската комисија, Кристијан Даниелсон, во расправата во Центарот за европска политика објасни дека насоките за таа нова политика кон Западниот Балкан, секоја година ќе ги утврдуваат и усвојуваат Европската комисија и Советот на министри на ЕУ и тоа почнувајќи од следниот јануари, одлука која се темели на договорот постигнат на состанокот ЕУ-Западен Балкан во август годинава во Берлин.

ЕУ со целна поддршка од своите фондови за подготовка на кандидатите за членство ќе ги помогне новите, тешки реформи за граѓаните, а се очекува поддршка и од Европската инвестициона банка и од други светски финансиски организации, со цел економиите во тие земји да зајакнат и да се подготват за идните обврски и конкуренцијата во рамките на ЕУ.

Западниот Балкан го очекуваат „крв, пот и солзи“, напиша по тој повод угледниот швајцарски весник „Ноје Цирхер Цајтунг“. Овој пресвртен момент за европската иднина на Западниот Балкан беше тема и на расправата во бриселскиот Центар за европска политика. Европските претставници се убедени дека одложувањето на овие тешки реформи само ќе го влоши економската, социјална, а на крајот и политичката ситуација во регионот.

Нужноста од подобрување на управувањето со стопанствата за земјите од Западниот Балкан се темели на три столба- реформа на државната управа, владеење на правото и програма за економско преусмерување со цел постигнување на одржлив економски раст. За важни, исто така се сметаат и реорганизацијата на пензиските системи, утврдување на „здрави средства“ за здравствено осигурување, зајакнување на делувањето на државната управа и особено способноста на даночните служби.

Извор: Deutsche Welle

Партнери на Правдико