Обама одобри бомбардирање на ИД во Авганистан

Американскиот претседател Барак Обама даде зелено светло силите на САД во Авганистан да ги бомбардираат позициите на Исламска држава во таа земја, јавува „Вашингтон пост“, повикувајќи се на неименувани извори во Пентагон.

Весникот наведува дека одлуката на Обама ќе придонесе за американската војска да стане поефективна во борбата против терористите во Авганистан.

Претходно, американската авијација имаше дозвола да бомбардира само позиции на Ал каеда, како и во одредени случаи да дава поддршка на авганистанската војска.

Изворот, сепак, не можел да наведе дали одлуката на Обама ќе значи и зголемување на военото присуство на САД во Авганистан.

Извор: Мета