Обдукција врз телото на Американецот што се самоуби во Охрид

Полицијата вчера потврди дека Американецот што во саботата попладне падна од шести кат во зграда во центарот на Охрид, всушност, намерно си го одзел животот.

Вчера беше извршена обдукција врз неговото тело, која треба да покаже под какви околности странецот го извршил самоубиството.

Странскиот државјанин имал изнајмено стан во центарот на Охрид, во зграда кај поранешната автобуска станица.

Во моментот кога го извршил самоубиството скокајќи од балконот, немало никој со него во станот, велат од полицијата.

Несреќата се случи во саботата, околу 16 часот.

Извор: Мета.мк