ОБУКА: Обработка на специфичности од Законот за работни односи

ОБРАБОТКА НА СПЕЦИФИЧНОСТИ ОД ЗАКОНОТ ЗА РАБОТНИ ОДНОСИ (ЕЛЕМЕНТИ НА ДОГОВОР, ПРЕСТАНУВАЊЕ НА ВАЖНОСТ НА ДОГОВОР ЗА ВРАБОТУВАЊЕ, ВМЕТНУВАЊЕ НА КОНКУРЕНТСКА КЛАУЗУЛА) И МЕНАЏЕРСКИ ДОГОВОРИ

Предавачи: Санде Зиков и Зоран Михајловски
9 декември 2015 година (среда), 10:00 – 16:00 часот
Институт КОНЦЕПТ, Скопје

Цел на обуката:

Обуката се организира со цел обработка на специфичностите на Законот за работните односи на Република Македонија. Посебен осврт ќе има на договорите за вработување (елементи, форма, содржина, склучување и престанок на договорите).  Посебно ќе бидат покриени и клаузилите за забрана на конкурентско дејствување.

Обуката ќе ги опфати и аспектите  на одговорноста на менаџерите, правејќи јасна дистинкција помеѓу различните видови на одговорност на органите на управување и надзор. Оттука неминовно се наметнува потребата да биде направена и јасна дистинкција помеѓу различните нивоа на менаџмент во друштвото, корелирано со видот и степенот на нивната одговорност и консеквенците кои би можеле да ги сносат.

Во рамки на обуката ќе бидат разработени и сите значајни аспекти кои ја детерминираат пред се правната положба на менаџерите во друштвото, нотирајќи ги притоа сите специфики и дилеми кои досега се имаат појавено во праксата, при што ќе бидат предложени и конкретни насоки за нивно надминување.

Во контекст на наведеното, во рамки на обуката, посебно внимание ќе биде посветено на менаџерските договори, при што ќе бидат обработени сите специфични прашања и дилеми, презентирајќи можни решенија за решавање на правниот статус на менаџерите во друштвото.

Содржина на обуката:

1.  Договор за вработување
–    Основни елементи на работен однос
–    Услови за склучување на договор за вработување;
–    Форма на договорот за вработување;
–    Содржина на договорот за вработување;
–    Суштински елементи на договорот за вработување,
–    Измени и престанување на важност на договорот за вработување.
2.  Начини на престанување на важноста на договорот за вработување
–    Откажување на договорот за вработување поради кршење на работниот ред и дисциплина или работните обврски со отказен рок
–    Откажување на договорот за вработување поради кршење на работниот ред и дисциплина или работните обврски без отказен рок
–    Најнови измени во ЗРО за престанок на работен однос поради возраст на работникот член 104 од ЗРО
3.  Утврдување на кршење на работниот ред и дисциплина
4.  Други одредби за давање отказ поради кршење на работната дисциплина
5.  Застареност при донесување на одлука за отказување на договор за вработување, чл.94 од ЗРО
6.  Остварување и заштита на правата, обврските и одговорностите од работен однос  чл.181 од ЗРО
–    Примарна заштита и
–    Судска заштита
7.  КОНКУРЕНТСКА ЗАБРАНА – законска забрана на конкуретското дејствување и КОНКУРЕНТСКА КЛАУЗУЛА – договорна забрана на конкурентското дејствување
8.  Менаџерски договори
–    Правен статус на менаџерите во домашното законодавство;
–    Утврдување на статус на менаџерите;
–    Видови на менаџерски договори;
–    Претпоставки за одредување на основна плата на менаџерот;
–    Проблеми и недостатоци при склучувањето на менаџерските договори;
–    Основи за престанок на менаџерскиот договор;
–    Заклучни согледувања.

За кого е наменета обуката:

Обуката првенствено е наменета за менаџерите од сите ешалони во компаниите, раководители на правни сектори и сектори за човечки ресурси на трговските друштва, лица вработени во посочените и други сектори и одделенија во трговските друштва, адвокати, како и за сите оние кои пројавуваат професионален интерес за предметната проблематика.

Повеќе информации на следниот ЛИНК