Адвокатската комора на РМ (АКРМ) во соработка и со финансиска поддршка на Амбасадата на САД во Скопје, Бирото за меѓународна борба против наркотици и спроведување на законите (ИНЛ), во рамките на заедничкиот проект „Обука на адвокатите на одбраната за новиот Закон за кривичната постапка и на Законoт за одредување на видот и одмерување на висината на казната“ организира дводневна практична обука за новиот Закон за кривичната постапка.

Обуката ќе се одржи на 19.07-20.07.2017 (среда и  четврток) во Битола, х. „Епинал“ . Посебен акцент на обуката ќе биде ставен на практичниот дел во рамки на кој е предвидена симулација на главна расправа согласно Законот за кривичната постапка.

Адвокатите кои се заинтересирани да земат учество, задолжително да се пријават во Адвокатската комора на Република Македонија на е-маил: lawyermk@mba.org.mk.