Адвокатската комора на РМ (АКРМ) во соработка и со финансиска поддршка на Амбасадата на САД во Скопје, Бирото за меѓународна борба против наркотици и спроведување на законите (ИНЛ), во рамките на заедничкиот проект „Обука на адвокатите на одбраната за новиот Закон за кривичната постапка и за Законoт за одредување на видот и одмерување на висината на казната“ организира обука  на тема „Практични искуства од досегашната имплементација на Законот за одредување на видот и одмерување на висината на казната“.

Oбуката е наменета за адвокати и ќе се одржи на 30 јуни (петок) во Струмица, во хотелот „Сириус“. Агендата за настанот дополнително ќе биде објавена.

Адвокатите кои се заинтересирани да земат учество, задолжително да се пријават во Адвокатската комора на Република Македонија на е-маил: lawyermk@mba.org.mk.