Обвинение за предизвикувач на сообраќајна несреќа во Гостивар

По спроведена претходна постапка, јавен обвинител од Основното јавно обвинителство Гостивар поднесе Обвинителен предлог против едно лице за кривично дело – Тешки дела против безбедноста на луѓето и имотот во сообраќајот од член 300 став 4 во врска со 297 став 3 во врска со став 1 од Кривичниот законик.

Имено, 39-годишниот гостиварец, на 13.04.2021 година, управувал автомобил БМВ на улицата „Сретко Крстески“ во Гостивар. Кога се приближил кон раскрсницата со улицата „Гаве Лазарески“, започнал да се движи со возилото наназад, без да се увери дали со таквото дејствие ги попречува или загрозува останатите учесници во сообраќајот.

Со задниот дел од автомобилот осомничениот удрил во пешак кој ја минувал улицата. Пешакот при ударот се здобил со тешки телесни повреди – нагмечувања на мозокот и на 26.04.2021 година починал.​