Обвинителство бара притвор за маж кој силувал осумгодишно девојче

Надлежен обвинител од Основното јавно обвинителство Велес донесе наредба за спроведување истражна постапка против педесет и петгодишен маж поради постоење на основано сомневање дека извршил кривично дело – полов напад врз малолетник.

Според исказите на детето и неговата мајка, осомничениот во текот на 2017 година во неколку наврати искористувајќи исти можности извршил полови дејствија врз осумгодишното дете. Осомничениот е сосед и во подалечна роднинска врска со оштетеното дете.

Ценејќи дека се работи за особени околности што укажуваат дека осомничениот ќе ја попречува истрагата со влијание врз сведоци и може да го повтори делото, јавниот обвинител до Судијата на претходна постапка при Основниот суд Велес поднесе предлог за определување мерка притвор за осомничениот.​

Извор: Макфакс