Од октомври повторно евтина тарифа на струјата | Правдико

Правдико

   

Од октомври повторно евтина тарифа на струјата

© Copyright 2020 pravdiko.mk Сите права се задржани. Не е дозволено преземање на оваа содржина или на делови од неа без претходна согласност од редакцијата на ПРАВДИКО.

Од октомври стартува евтината тарифа на струјата, соопшти денеска премиерот Зоран Заев.

На заедничката прес-конференција во Владата на која присуствуваат и вицепремиерот за економски прашања Кочо Анѓушев, како и министерот за економија Крешник Бектеши, Заев рече дека евтина струја ќе има секој работен ден и во сабота од 14 до 16 часот, како и од 22 до 7 часот наутро, а во недела останува досегашната пракса, евтина струја да има цел ден.

– Исполнуваме уште една од ветените владини мерки. Ја враќаме евтината тарифа на струјата. Ова ќе ја чини државата осум милиони евра. Тие пари ги враќаме на граѓаните, а најмногу ќе заштедат посиромашните – истакна Заев.

Според вицепремиерот Кочо Анѓушев, ЕВН Македонија нема да добие субвенција за евтината тарифа на струјата, иако очекувано, ќе бележи загуби.

– Домаќинското работење на компаниите ќе биде изворот на средства. Такви заштеди се веќе направени – рече Анѓушев.

Заев и Анѓушев нагласија дека оваа мерка нема да има влијание врз покачување на цената на струјата и не се коси со европската регулатива.

Извор: Нова Македонија

Препорачуваме

Партнери на Правдико