Одложен почетокот на судењето во случајот „Пуч“

Почетокот на судењето за случајот „Пуч“, во кој обвинети се поранешниот разузнавач, Зоран Верушевски, неговата сопруга Соња, општинскиот службеник од Струмица, Бранко Палифров, лидерот на СДСМ, Зоран Заев и Ѓорги Лазаревски, вработен во МВР. е одложен за септември.

Дилемата се отвори по потпишувањето на договорот во Пржино според кој треба да се избере специјален јавен обвинител кој ќе треба да ја расчисти аферата со прислушкувањето.

Од адвокатскиот тим на Заев кој е четвртообвинет неофицијално велат дека очекуваат одложување поради постигнатиот политички договор, но и да не се случи тоа, Заев најверојатно нема да се појави во судница.

Таквата одлука доаѓа и по неговата неодамнешна изјава дека не го признава судството во земјава.

Извор: 24Вести