Одложен случајот “Шпион” што требаше да биде разгледуван пред апелација

Случајот „Шпион“ кој денеска требаше да биде разгледуван на јавна седница на Апелацискиот суд откако 19-те обвинети вложија жалби на првостепената пресуда според која сите беа осудени на затворски казни е одложен.

Првообвинет во судскиот процес е екс разузнавачот, Марјан Ефремов кој е осуден на 15 години затвор за шпионажа затоа што според обвинението прибирал информации за странски тајни служби.

Покрај него, обвинети и осудени се и поранешниот директор на Дирекцијата за спречување на перење пари, Ване Цветанов, поранешниот полициски генерал Горан Стојков, двајца разузнавачи активни во времето на акцијата „Шпион“, како и Марјан Маџовски, тогашен шеф на кабинетот на собранискиот спикер Трајко Вељаноски.

Првостепената пресуда е донесена пред 13 месеци, а обвинетите беа осудени на вкупно 73 години затвор.

Извор: 24Вести