Одложена јавната седница за случајот „Шпион“

Јавната седница во Апелацискиот суд за случајот „Шпион“ повторно беше одложена бидејќи дел од обвинетите не беа присутни во судницата, а немаше ниту јавен обвинител од Специјалното јавно обвинителство, кое го презеде случајот.

Судијката Љиљана Ивановска-Шопова соопшти дека на 11 мај добиле писмено известување од СЈО дека нема да присуствуваат на денешната јавна седница бидејќи предметот сè уште им е во фаза на проучување.

Судот даде два термини за судење во јуни.

Покрај отсуството на дел од обвинетите и на обвинител, денеска не беше комплетен ниту судот. Од советот од пет судии се појавија само известителот, судијата Зоран Димитриевски, претседателката Шопова и судијката Татјана Дуковска.

Извор: Мета