Одобрен Обвинителниот акт за предметот ,,Моќник”

Заради интерес на медиумите кои ја следат работата на судот, ја информираме јавноста дека советот за оценка на обвинителениот акт поднесен од Основно јавно обвинителство, а во јавноста познат како „Моќник“ против 13 лица, донесе решение со кое приговорите на обвинетите се одбиваат како неосновани, а обвинителниот акт се одобрува во целост.

Предметот кој е оформен по одобрениот обвинителниот акт  согласно АКМИС – системот ќе биде распределен кај судија за понатамошно судење и по насрочување на главната расправа странките и јавноста ќе бидат дополнително известени.