Ограбен 75-годишен старец во Скопје, украдени 2.300 евра

Вчера попладне околу 17.00 часот, во влез од зграда на улица „Козара“ во Скопје, непознат сторител извршил разбојништво над 75-годишниот С.П. од Скопје. Во моментот кога С.П. влегувал во зградата, сторителот го турнал со рацете и тој паднал.

Потоа, сторителот му одзел две книжни ќеси во кои имало 2.300 евра, 13.000 денари, две денарски штедни книшки и две здравствени книшки, по што побегнал во непознат правец.

Од падот, С.П. се здобил со повреди на носот, десното колено и двете раце. Се преземаат мерки за пронаоѓање на сторителот и за целосно расчистување на случајот.

Извор: Нова Македонија