Правдико

   

Охриѓанец фалсификувал документи за да намести претседател на здружение на инвалидски пензионери

© Copyright 2020 pravdiko.mk Сите права се задржани. Не е дозволено преземање на оваа содржина или на делови од неа без претходна согласност од редакцијата на ПРАВДИКО.

СВР од Охрид, до Основното јавно обвинителство поднесе посебен извештај поврзан со 75-годишно лице од Охрид што го товари за злоупотреба на службената положба и овластување и за фалсификување или уништување деловни книги.

svr-ohrid

Пријавениот, во својство на претседател на Здружение на инвалидски пензионери од Охрид, со искористување на службената положба и овластување и со пречекорување на своите овластувања, на годишното собрание одржано во март 2011 година, спротивно на статутот, влијаел да се донесат неколку одлуки, меѓу кои и за избор на претседател.

Поднел лажни податоци за двајца членови и потписници на собранието кои не биле членови на Здружението на инвалидски пензионери, туку се членови на Здружението на старосни пензионери. Со такво внесување лажни податоци во службен документ, што е должен да го води врз основа на закон, пријавениот подготвил и со свој потпис и со печат заверил документ за одржано годишно собрание и членови на собрание со невистинити податоци.

Исто така, за годишното собрание во 2011 година како член на здружението, евидентирал лице кое починало во декември 2009 година, со што пријавениот повторно внел и доставил лажни и неверодостојни податоци за членови на здружението.

Извор: Мета.мк

Препорачуваме

Партнери на Правдико