OJO:Постои содејство на неколку осомничени за настаните во Собранието | Правдико

Правдико

   

OJO:Постои содејство на неколку осомничени за настаните во Собранието

© Copyright 2020 pravdiko.mk Сите права се задржани. Не е дозволено преземање на оваа содржина или на делови од неа без претходна согласност од редакцијата на ПРАВДИКО.

Спроведувајќи сеопфатна постапка за случувањата во Собранието на Република Македонија на 27.04.2017 година, Основното јавно обвинителство Скопје презеде голем број истражни дејствија и прибави обемен доказен материјал.

Obvinitelstvo Skopje

По разгледување на доказниот материјал, обвинителството утврди дека постои содејство на неколку осомничени во целокупните збиднувања во објектот на Собранието во надворешниот појас и во внатрешноста на објектот во целина.

Станува збор за сплет на инкриминирани дејствија кои што значат остварување на законски битија на поголем број кривични дела кои не можат да се припишат само како деликт на масата, ниту пак на од таму произлезени конкретни кривични дела на сторители.

Основното јавно обвинителство Скопје од  досега прибавениот доказен материјал оцени дека во кривично правниот настан кој го истражуваше, потребно е во оваа фаза, согласно законските прописи, да се вклучи и Основното јавно обвинителство за гонење на организиран криминал и корупција, бидејќи дел од преземените дејствија од страна на лица инволвирани во настанот се во месна и стварна надлежност на ова обвинителство.

Од тие причини списите на предметот се доставени до надлежното Основно јавно обвинителство за гонење на организиран криминал и корупција, кое го презема натамошното постапување.

Основното јавно обвинителство Скопје продолжува да постапува по однос на лица инволвирани во настанот, а чии што дејствија претставуваат извршување на кривично дело за кое е надлежно Основното јавно обвинителство Скопје.

Препорачуваме

Партнери на Правдико