Основните граѓански и политички права и слободи: Анализа на набљудувани судски постапки

Во последните четири години беа усвоени нови или темелно изменети постоечки органски закони преку кои на сосема нов начин се уредува водењето на судските постапки. Новиот закон за кривичната постапка, темелните измени на парничната постапка, законите за заштита и спречување на дискриминација, вознемирување на работното место и за граѓанска одговорност за клевета и навреда претставуваат значајна реформа на правосудниот систем. Иако дел од нив содржат решенија кои се поповолни за граѓаните, нетранспарентниот процес и краткиот рок во кој тие беа усвоени ја засили потребата за набљудување на нивното спроведување.

Поради таа причина набљудувањето на судски постапки се одвиваше тематски и се однесуваше на четири области: 1) заштита од мачење и друго сурово, нечовечно или понижувачко постапување и казнување; 2) заштита и спречување на дискриминација (вклучително и мобинг); 3) слобода на говор и изразување; и 4) кривични постапки во кои е повреден принципот на пресумпција на невиност или произлегуваат сомненија за политички или друг вид притисоци врз судската власт.

Анализата можете да ја превземете ТУКА

Поврзани статии:

– Границите на правото на слобода на изразување

– Последици од лажно пријавување на кривично дело

– За слободата на изразување и слободата на медиумите

– Граѓанска одговорност за навреда и клевета