Оставка на премиерот на Молдавија поради спорна диплома

Молдавскиот премиер Кирил Габуричи вчера поднесе оставка, откако се покрена прашањето за автентичноста на неговото образованието и универзитетската диплома .

Габуричи (38) најави дека ќе поднесе оставка, бидејќи минатата ноќ, бил испрашуван од страна на обвинителите за прашања поврзани со неговото образование.

“Жалам што имаат прашања во врска со моите студии кои станаа инструмент на политичките игри. Јас не сум политичар, јас сум менаџер. На земјата и треба промена на политичкиот систем”, рече Габуричи, кој одби дополнителни коментари на обвиненијата, објавија новинските агенции.

Габуричи е познат бизнисмен, кој е на чело на проевропска влада, кој со поддршката на Комунистичката партија, стана премиер во февруари.